Hilgermissen op Platt

    ^|_> Jan von Wecheln
    ^|_> Archiv "Hilgermissen op Platt"

„Jaa, wi künnt“ – Platt snacken, meen ick. Und wat de Amerikaaners mit Obama maakt hebbt, dat hett Magelsen al een Jaar vörher maakt, as de Schützenkönig ut Jamaika kööm...

Und wi snackt nich blots Platt, wi schrievt dat ook.  Nich wi alle, öwer den eenen o'r anneren gifft denn doch, de sick an düsse Stelle von hilgermissen.eu vörstellen kann. Un vör allen gääv dat Jan von Wecheln – de is 1937 as Johann Kranz † in Wecheln up de Welt kaamen, hett as Slachter un Müürker arbeit un is denn naa'n Bund gaan. Davun is he denn laterhen na Köln kaamen, öwer he hett sine Heimat nicht vergeten, und as he in Rente güng, hett he sick hensett und de ganzen olen Geschichten von sine Kinner- un Schooltied und de eersten Johr in de Arbeitswelt in de Föfftiger Johr in dat Book „Anna un Jan“ upschrääven (Kranz, Johann: Anna un Jan - En plattdüütschet Wark ut Jan von Wecheln sien Läben, upsett un vertellt von Johann Kranz. Band 1 und 2, Bomas-Verlag, Lilienthal, 2006).
Johann Kranz is leider in'n Harvst 2024 in Köln storbn.

Jan schreev ook för dat „Plattdüütsche Eck“ von de Kreiszeitung un möök bi'n Schriever- und Lesekring im Kreisheimatbund des Landkreises Diepholz mit, un darüm freiht wi us bannig, datt he ook bi us mitmaaken woll un uns dat tostahn hett, datt wi Deele von „Anna un Jan“ up hilgermissen.eu publik maaken künnt.

Un hier geiht dat dahen...